Ancher..anak buah kesayangan

Monday, October 6, 2008

"aMoi 1 gelas NeScafe tarik & 1 Gelas tea Tarik" ...Terus si Amoi cakap lagi..Abang....Uiiiiii,abang,hahaha,Si aMoi cakap,mau gelas damit ka??kalau dalam bahasa orang Kedayan damit itu membawa maksud Kecil,Terus abg sia cakap lagi "kami tidak mau yang damit-damit,kami mau yang basar-basar"hahaha,dalam bahasa Kedayan basar-basar adalah kata lawan bagi Damit-damit...
Seperti Kereta api Di Beaufort ke tenom kami menungu,tak lama kemudian sampai la Tea tarik dan Nescafe tarik kami,Dalam ati sia Berdetik Kunun,Hati sia cakap.."nasib Mood abg sia bagus malam ni,kalau tak,habis suda tu Waiterss kena kasi jadi Cincau,hahaha...."kami Berdua sebenarnya hanya membuang masa pada hujung-hujung minggu ni,sambil becerita apa aktiviti bisuk dan seterusnya...tak lama kemudian sia minum la kunun Nescafe tarik sia,Uiiiiiii Punya la "panas"huh,tebakar lidah sia...tapi tak pa la,sekali sekala....tapi sia tengok tea tarik abg sia hampir separuh suda,alalala...Terus Berdetik lagi hati sia..Hati sia cakap "Cepat juga abg sia munum tea tarik dia,maka punya panas tu minuman,tapi tak pa dia guna lidah kerbau malam ni sia bilang"hahaha...dan malam yang dingin terus berlalu,angin sopoi-sopoi Tiger dan Carlsberg memangil-mangil di Apek,sun-sun..tapi malam ni kami x minum sebab besok adalah hari kerja suda...jadi macam kebiasaan sia,No alkohol Time ari minggu,sebab nanti bisuk Kogutan lagi trus tidak siok mau karaja..hehehhe...30 minit barlalu suda,minuman sia belum separuh lagi,trus abg sia cakap,"kau mau makan Fest Food ka"??trus sia Reply la kunun,sia cakap"boleh juga,tapi sia x brapa lapar,nanti sia tumpang makan ja la"tak lama kemudian abg sia Order FannFries,Seberti biasa,kami menungu seperti menaiki kereta api dari Beaufort ke Tenom,tak lama sampai la makanan kami...makan punya makan,tak juga habis,rupanya fannfries dia tawarrr,hahaha,abg sia Diam ja,sia pun diam-diam ja,pura-pura lupa...sekali lagi berdetik di hati sia,"nasib Mood abg sia bagus kalau x Gerenti kena taling suda tu Waiteresss tu,hahaha"
cerita punya Cerita,Uik jam Handpon suda menunjukkan Pukul 10.15 malam,kalau mau pulang rumah,paling-paling sampai rumah jam 10.40..so sia cakap la,"bahhh Jomm Muli"...jadi sia bayar,terus kami Pulang....~sekian saja Cerita sia yang tak siok ni..heheh

0 comments:

  ©Template by Dicas Blogger.